U.Apel Oʻzbekiston bilan uzoq muddatli hamkorlikni va GEFning soʻnggi moliyalashtirish davrlarida ajratilgan grant mablagʻlaridan faol foydalanish munosabati bilan erishilgan oʻzaro hamkorlik darajasini yuqori baholadi.

Shu bilan birga, u Markaziy Osiyoda mintaqaviy oʻzaro hamkorlikning faollashuvi va munosabatlarning mustahkamlanishi, shuningdek, atrof-muhitni muhofaza qilish bilan bogʻliq masalalarning transchegaraviy xususiyatini hisobga olgan holda GEF qum-chang boʻronlariga qarshi kurashish va ularning salbiy oqibatlarini yumshatish sohasida qoʻshma mintaqaviy dastur va tashabbuslar uchun mablagʻ ajratishga tayyorligini bildirdi.

Bundan tashqari, GEF tomoni 2026–2030-yillarga moʻljallangan toʻqqizinchi moliyalashtirish sikli doirasida moliyaviy tomonlama hamkorlikni rivojlantirishdan manfaatdor ekanligi qayd etildi.

Maʼlumot uchun, GEFning 2022–2026-yillarga moʻljallangan sakkizinchi moliyalashtirish sikli doirasida Oʻzbekiston Respublikasiga 13 million dollar miqdorida grant mablagʻlari ajratildi. Oʻzbekiston Respublikasi Prezidenti qarorining 11-ilovasiga muvofiq, BMT FAO, Tabiatni muhofaza qilish xalqaro ittifoqi va BMT Taraqqiyot dasturi bilan birgalikda moliyalashtirishga taqdim etish uchun loyiha taklifining 2 ta konsepsiyasi ishlab chiqildi.

Uchrashuv yakunida Global ekologik fond ijrochi direktori va raisi 2024-yil 12–17-fevral kunlari Samarqandda oʻtkaziladigan Yovvoyi hayvonlarning koʻchib yuruvchi turlarini saqlash boʻyicha konvensiya (COP -14) ishtirokchilari konferensiyasining 14-yigʻilishida ishtirok etishi maʼlum boʻldi, deb xabar beradi Ekologiya, atrof-muhitni muhofaza qilish va iqlim oʻzgarishi vazirligi matbuot xizmati.