Тошкент шаҳридаги Ёшлар ижод саройида “Энг яхши ғоя”, “Энг яхши лойиҳа” ва “Энг яхши ихтиро” кўрик-танлови ғолибларини тақдирлаш маросими бўлиб ўтди.
Танлов 2025 йил май–июль ойларида 3 босқичда ташкил этилди ва унда 40 ёшгача бўлган 1262 нафар иқтидорли ёш муҳандис иштирок этди.
Якуний натижаларга кўра:
- 9 нафар биринчи ўрин ғолиблари замонавий BYD Chazor электромобиллари билан тақдирланди;
- 2-ўрин эгалари ва “Барқарор ривожланиш учун энг яхши ихтиро” номинацияси ғолиби хорижда тўлиқ қопланадиган стажировкага йўлланма олди;
- 3-ўрин эгаларига эса 37,5 млн сўмлик пул мукофоти топширилди.
Мукофотлар Ўзбекистон Республикаси Президенти Администрацияси ва Олий таълим, фан ва инновациялар вазирлиги раҳбарлари томонидан топширилди.
