"Елимизге тиккелей сырт ел инвестицияларын тартыўды хошаметлеўдиң қосымша илажлары ҳаққында"ғы Президент Пәрманы (ПП-97-санлы, 23.06.2025 ж.) қабыл етилди.
Пәрманға бола, Салық кодексинде белгиленген айрықша салықлар бойынша жеңилликлер Ташкент ўәлаятының 4 ҳәм 5-категориядағы районларда дизимнен өткен ҳәм усы аймақларда жумыс алып баратуғын исбилерменлерге де қолланылатуғыны белгиленди.
Сондай-ақ, Президент Пәрманы менен тастыйықланған Тиккелей жеке меншик сырт ел инвестициялары ушын берилетуғын жеңилликлер енгизилетуғын экономика тармақларының дизимине "аўыл хожалығы өнимлерин жетистириў" бағдары киргизиледи.
Енди ҳәр қандай нормативлик-ҳуқықый ҳүжжет ҳәм жойбар Президент Администрациясы жанындағы илимий-таллаў институтларының изертлеўлери, илимпазлар, жергиликли ҳәм сырт ел экспертлериниң усыныслары тийкарында ислеп шығылады.
"Өзбекстан Республикасы пуқараларын, сырт ел пуқараларын ҳәм пуқаралығы болмаған шахсларды жасаў ҳәм турған жери бойынша дизимге алыў ҳаққында"ғы Нызам (ӨРН-1074-санлы, 10.07.2025-ж.) қабыл етилди.
Президенттиң тийисли Қарарына бола, 2025/2026-оқыў жылынан Республикалық олимпиада ҳәм паралимпия спорт түрлерине таярлаў орайында оқыў процеси 2 басқышта әмелге асырылады.
"Мәртлик мектеплери"не оқыўшыларды қабыл етиў ҳәм оқыў-тәрбия процесин шөлкемлестириў тәртиби ҳаққында"ғы реже Әдиллик министрлигинде мәмлекетлик дизимнен өткерилди (дизим номери: 3636-сан, 01.07.2025-ж.)
