Министр өзиниң шығып сөйлеген сөзинде Орайлық Азияның климат өзгериўине, жерлердиң деградациясы ҳәм суў ресурсларының азайыўы күшейип баратырғанына жүдә әззи екенин атап өтти. Сондай-ақ, ол регионда температура ҳәзирдиң өзинде 2,2°С ға көтерилгенин, музлықлар болса ҳәр жылы өз көлеминиң 0,5 процентине шекемги бөлегин жоғалтып атырғанын атап өтти.
Буннан тысқары, Азиз Абдуҳакимов Өзбекстанның Миллий белгиленген үлеслер бойынша жаңа мақсетине итибар қаратты - мәмлекет 2035-жылға барып 2010-жылға салыстырғанда жалпы ишки өним бирлигине салыстырғанда ыссыхана газлериниң шығындыларын 50 процентке қысқартыў нийетинде.
Сондай-ақ, министр қайта тиклениўши энергетиканы раўажландырыў, тоғай массивлерин кеңейтиў ҳәм шығындылар менен ислесиў системасын модернизациялаў режелери ҳаққында айтып өтти. Ол «Green University» басламасы ҳәм шөлистанлыққа қарсы гүресиў бойынша шөлкемлестирилип атырған регионаллық орайдың әҳмийетин айрықша атап өтти.
Сөзиниң жуўмағында Азиз Абдуҳакимов қатнасыўшыларды ГЭФтиң 8-Ассамблеясы ҳәм 2026-жыл 31-май - 5-июнь күнлери Самарқандта болып өтетуғын Eco Expo Central Asia көргизбесине мирәт етти.
