Өзбекстанмен осы беделді халықаралық қаржы институты стратегиялық серіктестікті одан әрі дамытудың практикалық аспектілері, сондай-ақ републикадағы ең маңызды әлеуметтік-экономикалық реформалар бағдарламасын ілгерілету мәселелері талқыланды.
Кездесу басында Мемлекет басшысы Анна Бьерде мен Дүниежүзілік банк ұжымын жемісті ынтымақтастықтың 30 жылдығымен шын жүректен құттықтады.
Соңғы жылдары серіктестіктің жоғары қарқынмен дамып, тиімділігі артып келе жатқаны айтылды. Осы кезеңде бірлескен жобалардың портфелі 4 есеге жуық кеңейіп, 8 миллиард доллардан асты.
Өткен жылдың өзінде тиісті «жол картасына» сәйкес Дүниежүзілік банк ауыл шаруашылығы, энергетика, экология, қаржы және басқа да салаларда құны 1 млрд доллар болатын 6 басым жобаны қаржыландыруды мақұлдады.
Банктің белсенді қолдауымен бүгінде Өзбекстанда аграрлық, энергетика және көлік салаларында кешенді реформалар жүргізілуде. Дүниежүзілік банк тарапынан Жаңа Өзбекстанның даму стратегиясына сәйкес келетін 2026 жылға дейінгі мемлекеттік бағдарламаны қабылданды.
Вице-президент Анна Бьерде Өзбекстанда жүргізіліп жатқан реформалардың табыстылығын жоғары бағалап, банктің ауқымды серіктестіктерді одан әрі кеңейтуге бел байлағанын растады.
Банк ауылдық жерлерде өмір сүру деңгейін көтеру, мемлекеттік кәсіпорындарды жекешелендіру, ауыл шаруашылығын трансформациялау, экономиканың энергия тиімділігін арттыру, білім беру мен денсаулық сақтауды жаңғырту, бизнес және инвестициялық ортаны жақсарту сияқты маңызды салалардағы инновацияларды жеделдету мақсатында сараптамалық және қаржылық қолдауды одан әрі кеңейтуге дайын екендігі атап өтілді.
Орталық Азияның тұрақтылығы мен тұрақты дамуын қамтамасыз етуге бағытталған стратегиялық өңірлік жобаларды іске асыруды қолдау мәселелеріне ерекше назар аударылды.
Кездесу соңында Өзбекстан мен Дүниежүзілік банк арасындағы маңызды бағыттар бойынша әріптестікті кеңейту бойынша жаңартылған «жол картасын» қабылдауға келісілді.
