Талдауларға қарағанда, соңғы апталарда Америка Құрама Штаттарында және «омикрон» штаммы өте кең таралған кейбір Еуропа елдерінде ауру саны азайып келеді. Сонымен қатар, жаңа нұсқа алдыңғы мутацияға қарағанда біршама жұқпалы болғандықтан, пандемия эндемияға айналады деген үміт бар.
Сонымен бұл нені білдіреді? Өйткені коронавирус толығымен жойылмайды, бірақ белгілі бір аймақта, белгілі бір уақытта, белгілі бір популяциялар арасында пайда болады. Сонда біз қалыпты өмірге орала аламыз ба?
Қазір бұған нақты жауап жоқ. Өйткені бұл коронавирустың қалай мутацияға ұшырайтыны белгісіз. Ғалымдардың білетіні сол - COVID-19 болашақта мутацияға ұшырайды.
Германиялық вирусолог ғалым Улрике Процердің айтуынша, «омикрон» толқынының төмендеуі де бұрынғы «дельта» штаммының қайтадан кең тарқалуына әкелуі де мүмкін.
«Эндемия ауру жойылғанын және жағдай қауіпсіз екенін білдірмейді, — дейді осы елдегі Лейбниц институтының зерттеушісі Хаджо Зееб. — Егер жаңа мутация пайда болса және ол тағы бір эпидемияны тудырса, жағдай міндетті түрде өзгереді».
Тағы бір белгілі неміс дәрігері Томас Вошаар “омикронды” пандемиядан шығудың жолы деп атады және оның таралуын тоқтатуға болмайтынын атап өтті.
«Егер әлем халқының жүз пайызы жаңа штамм жұқтырса, бұл пандемияны тоқтатады», - деді ол. – Өйткені «омикрон» науқастарда салыстырмалы түрде оңай өтеді. Өлім-жітім сирек, ауруханаға жатқызу үлкен проблема емес. Ең бастысы, жаһандық мәселенің шешімін қысқа мерзімде табуға болады».
Берлинде жұмыс істейтін белгілі вирусолог Кристиан Дростен жағдайды басқаша бағалайды. Оның айтуынша, жаппай ауру Германия үшін мүмкіндік емес, керісінше қатер. Өйткені бұл елде қарт адамдар көп. Ауру олардың өміріне қауіп төндіреді. Нәтижесінде қарт адамдар көп федералды штаттарда өлім саны артып кетеді.
Еске салайық, соңғы күндері Германияда коронавирус ауруы рекордтық деңгейге жетіп отыр. Мысалы, кеше мұнда 253 000 адамда COVID-19 инфекциясы анықталды. Олардың 238-і аурудан қайтыс болды.
Сондықтан, елдің денсаулық сақтау министрі қазір карантиндік шараларды жеңілдететін уақыт емес, бұл мәселені тек апрель айының ортасына қарай ғана қарауға болатынын қатаң қадап айтты, деп хабарлайды Денсаулық сақтау министрлігінің баспасөз қызметі.
