Сайт тесттік режимде жұмыс істейді
Лого Лого-пв-уз

    Президент Бұхарадағы мақта кластеріне барды

    Билік 12 Oktabr 2021 768

    Президент Шавкат Мирзияев Бұхара облысына жасаған сапары барысында, облыстағы «Мергантекс» ЖШС-ге барды.

    Алғаш Мемлекет басшысы 2017 жылы осы кәсіпорын базасында мақта-тоқыма кластерін құру жобасымен танысқан болатын. Осыдан кейін бұл мекеме қызметінде үлкен өзгерістер орын алды. 2018-2020 жылдары Германия, Жапония, АҚШ, Бельгия және Швейцариядан 22 миллион доллардан астам инвестиция тартылып, заманауи қондырғылар әкелінді.

    Бүгінде компания шитті мақтаны бастапқы өңдеуден бастап, дайын киім тігуге дейінгі барлық процестерді қамтитын үлкен кластерге айналған. Мұнда 880 адам жұмыс істейді. Кластер жылына 30 мың тонна шитті мақтаны өңдеу мүмкіндігіне ие. Өткен жылы мұнда 240 миллиард сумдық өнім шығарылып, 6 млн доллардан астам өнім экспорттады.

    - Бұл үлкен жұмыстың алғашқы нәтижесі. Бірақ кәсіпорындағы кезеңдер соңғысы емес. Енді келесі қадамдарды меңгеріп, инновациялық технологияларды енгізу, қосылған құны бар өнімдерді арттыруға тырысу қажет, - деді Шавкат Мирзияев.

    Келесі жылы кластер табиғи және химиялық талшықтардан дайын киім өндірісін іске қосуды жоспарлап отыр. Құны 25 миллион доллар болатын бұл жоба экспортты 30 миллион долларға жеткізіп, тағы 1000 жұмыс орнын ашады деп күтілуде.

    Мемлекет басшысына мақта өсіруде қолданылатын инновациялық әдістер туралы ақпарат берілді. Кластер 1200 гектар жерге тамшылатып суаруды енгізген. Нәтижесінде су шығыны азайып, топырақ құнарлылығы артты. Кейбір шаруашылықтар 70 центнерге дейін мақта жинады. 

    Шавкат Мирзияев мұндай тиімді жұмысты жалғастыру, ғылым мен практиканың үйлесімділігін қамтамасыз ету, оның ішінде шетелдік тәжірибеге негізделген жергілікті тамшылатып суару технологиясын өндіру қажеттігін айтты.