Осының негізінде 2024 жылдың 13 майда «Әйел-қыздардың экономикалық, әлеуметтік және саяси құқықтары мен мүмкіндіктерін кеңейту мәселелеріне аймақтық жанасу» тақырыбындағы Азия әйел-қыздар форумы Самарқант қаласында өз жұмысын бастады.
Форумға 30-дан астам шет мемлекеттер мен халықаралық ұйымдардан келген құрметті қонақтар – Шығыс Азия, Оңтүстік-Шығыс Азия, Оңтүстік Азия және Орталық Азия елдері парламенттерінің әйел депутаттары, үкімет басшылары, шет мемлекеттердің еліміздегі өкілеттіктері және шетелдік ұйымдардың 40-тан астам өкілдері, сонымен қатар жергілікті мемлекеттік органдары және азаматтық қоғам институттарының өкілдері, әйел басшылар, іскер әйелдер, саясаттанушылар, қоғам белсенділері, ғалымдар, экономика тармақтары мен түрлі салалардың 400-ге жуық өкілдері және белсенді әйел-қыздар қатысуда.
Форумның ашылу салтанатында Өзбекстан Республикасының Президенті Шавкат Мирзияевтың форум қатысушыларына жолдаған құттықтауын Сенат төрайымы Танзила Нарбаева оқып берді.
Содан соң Сенатының Төрайымы – Әйел-қыздардың қоғамдағы рөлін арттыру, гендерлік теңдік және отбасы мәселелері жөніндегі республикалық комиссияның төрайымы Танзила Нарбаева сөз сөйлеп, әлем деңгейінде саяси-экономикалық тұрақсыздық жағдай жалғасып жатқан, түрлі келіспеушіліктер, жаңа қауіп-қатерлердің туындау қаупі жоғары болып тұрған кезде әйел-қыздардың мемлекетті басқаруы, әлеуметтік-саяси, экономикалық, ғылыми-академиялық және мәдени-гуманитарлық салалардағы белсенді қатысуын қамтамасыз ету бұрынғыдан да маңызды екенін атап өтті.
Сондай-ақ, Сенат Төрайымы Азия аймағындағы әйелдердің өзара тәжірибе алмасу бойынша оң тәжірибеге ие екендігі, атап айтқанда, Орталық Азия елдерінің жетекші әйелдерінің диалогы бүгінде гендерлік теңдікті қамтамасыз ету, әйелдердің құқық және мүдделерін қорғауға қатысты аумақтағы өзекті мәселелерді шешуде тиімді платформа ретінде қыз ететінін, оны тәжірибе негізінде бүкіл Азия әйелдерін бірлестіру қажет екенін атап өтті. Атап өткендей, әйелдердің мүдделерін, гендерлік теңдікті қамтамасыз ету және отбасы тұрақтылығын қамтамасыз ету мәселелері саясатымыздың үстем бағыттарының біріне айналды.
Еліміздің әлеуметтік-саяси, экономикалық және рухани өміріне, маңызды қаулылар қабылдануында әйелдердің қатысуы айтарлықтай кеңейіп келеді.
Аз ғана уақыт ішінде салаға қатысты халықаралық стандарттарға сай ұлттық заңдылық базасы қалыптастырылды, соңғы 5 жылда 80-нен астам нормативтік құқықтық құжаттардың қабылданғаны мұның жарқын мысалы.
“Әйел-қыздар мен ерлер үшін тең құқық және мүмкіндіктердің кепілдіктері туралы” және “Әйел-қыздарды зорлық-зомбылықтан қорғау туралы” маңызды заңдар қабылданды және іс жүзіне енгізілді.
Гендерлік теңдік саясатын дұрыс іске асыру және оның толық орындалуын қамтамасыз ету мақсатында 2030 жылға дейінгі гендерлік стратегия қабылданды. Оны барлық салалар мен салаларға енгізу қарқынды жүргізілуде.
Нормативтік-құқықтық құжаттарды гендерлік сараптаудан өткізу, гендерге негізделген ұлттық бюджетті қабылдау, гендерлік аудит сияқты ұғымдар заңдылыққа кірітіліп, тәжірибеге енгізілуде.
Сондай-ақ форумда Өзбекстан парламентінің жоғарғы және төменгі палаталарында, жергілікті Кеңес депутаттарының құрамында, атқарушы органдарда де әйелдердің саны артып келе жатқаны, бүгінгі таңда әйел министр, министрлердің орынбасарлары, әкімдер мен әкім орынбасарлары, ірі беймемлекеттік бейкоммерциялық ұйымдардың басшылары лауазымдарында әйелдер сыныпы пайда болғаны және жыл сайын олардың саны артып жатқаны ерекше атап өтілді.
Сонымен қатар, форумда БҰҰ Бас хатшысының орынбасары және «БҰҰ-Әйелдер» құрылымының атқарушы директоры Сима Бахус, БҰҰ-ның Женевадағы бөлімінің бас директоры Татьяна Валовая, Парламентаралық Одағының Бас хатшысы Мартин Чунгонг және бірқатар елдердің парламенттері басшылары сөз сөйлеп, форумның мақсаты, міндеттері мен маңыздылығына одан күтілетін нәтижелерге тоқталды.
Ашылу салтанатынан кейін қатысушылар өз тәжірибелерімен бөлісу, халықаралық ұйымдар мен қаржы институттарының осы бағыттағы заманалық жанасуларды зерделеу мақсатында параллельді сессияларға бөлініп жұмысты бастады, деп хабарлайды Олий Мажлис Сенатының баспасөз қызметі.
