Самарқанд вилояти, Самарқанд шаҳридаги бошланғич нархи 1 сўмлик бўш турган бино онлайн аукцион савдоларида 2,9 миллиард сўмга сотилди, деб хабар беради Давлат активларини бошқариш агентлиги матбуот хизмати. Ушбу мулк учун савдолар 15 нафар иштирокчи ўртасида қизғин кечди.
Аукцион ғолибига 24 ой муддатда 4 миллиард сўм инвестиция киритиш ҳамда 28 та янги иш ўрни яратиш ва меҳмонхона фаолиятини ташкил этиш мажбурияти юклатилади.
Хабарда шунингдек, ушбу давлат активи 0,27 гектар ер майдонига эга эканлиги ҳам маълум қилинган.
