Қолаверса, бешинчи авлод интернети мамлакатнинг сайёҳлик марказларида уч йил аввал пайдо бўлган эди.
Ўзбекистонда интернетдан 31 миллиондан ортиқ киши фойдаланади. Уларнинг 29 миллион нафари мобил интернет фойдаланувчилари ҳисобланади. Бозор ва талаб катта.
“Жорий йилда 3000 дан ортиқ база станцияларини модернизация қилиш ва яна 2000 та янгисини қуриш режалаштирилган. Бу мамлакатда мобил алоқа сифати ва тезлигини оширади. Бундан ташқари, база станциясини 5G стандартига ўтказиш бошланди. Шундай қилиб, абонентлар мобил интернетдан бешинчи авлод тезлигида бемалол фойдаланиш имкониятига эга бўлишяпти, – дейди “Ўзбектелеком” АК матбуот хизмати раҳбари Темир Мамажонов.
Қозоғистон Ўзбекистондан нафақат интернет тезлиги, балки тарифлар нархи бўйича ҳам ортда қолмоқда. Ўзбекистон дунёдаги энг арзон мобил алоқага эга 15 давлат қаторига киради. МДҲда эса кучли тўртликдан жой олган.
Расмий маълумотларга кўра, Ўзбекистонда аҳоли пунктларининг 95 фоизи мобил интернет билан қамраб олинган. Бироқ интернетсиз қолган қишлоқлар сони юздан ошади. Бу, худди Қозоғистондаги каби, бу соҳада монополия мавжудлиги туфайли юзага келган. Бозордаги энг йирик иштирокчи, давлат компанияси ҳисобланади. Энди бу соҳани ривожлантириш учун субсидиялар ажратилади, хусусий сектор ҳам жалб қилинади. Бундан ташқари, Ўзбекистонда телекоммуникация технологиялари учун божхона тўловлари бекор қилинади, деб хабар беради inbusiness.kz.
