Унинг сўзларига кўра, «Афросиёб» бирор йил фойда билан ишламаган.
"Европада, умуман, жаҳон миқёсида тезюрар поездларнинг чипта нархи самолёт нархидан қиммат туради... Оддий поездларнинг чипта нархи маълум бир белгиланган тариф асосида ушлаб турилади", — дейди Зуфар Нарзуллаев.
"Ўзбекистон темирйўллари" АЖ бошқарув раисининг айтишича, 2025 йилнинг 1 январидан бошлаб, юқори тезликда ҳаракатланувчи поездлар чипталари талаб ва нархга қараб ўзгартириш режалаштирилган.
"Бунда поезд чиптаси нархи талабга қараб, худди самолёт чиптаси нархлари каби ўзгариб турадиган бўлади. Қолган оддий поездларнинг чипта нархлари Иқтисодиёт ва молия вазирлиги билан келишилган ҳолда тартибга солинади", — дейди "Ўзбекистон темирйўллари" раҳбари.
