Мамлакатимизга хорижлик сайёҳларни жалб қилиш, бу борада Ўзбекистоннинг туризм салоҳиятини хориж мамлакатларида кенг тарғиб этиш бўйича аниқ чора-тадбирлар асосида кенг кўламли ишлар амалга оширилмоқда.
Кириш туризмини ривожлантиришда, асосан ўзбек халқи билан қардош – тарихан узвийлиги боғлиқ бўлган халқлар аҳолисининг давлатимизга ташрифларини кўпайтириш устувор мақсадлардан бири ҳисобланади. Шу боисдан жорий йилнинг 6-7-апрель кунлари қўшни Қирғиз Республикасининг бир қатор етакчи оммавий ахборот воситалари вакиллари ва блогерлари иштирокида Ўзбекистонда пресс-тур ташкил этилди.
Маданият ва туризм вазирлиги ташаббуси билан амалга оширилган пресс-тур давомида қўшни мамлакат аҳолисига Aндижон вилоятининг туризм салоҳияти борасида кенгроқ маълумотлар берувчи материаллар тайёрланди.
Шунингдек, Қирғизистоннинг 20 дан ортиқ ОAВлардан қатнашган журналистлар учун кейинчалик мамлакатимизнинг бошқа ҳудудларига пресс-турлар ташкил этиш бўйича келишиб олинди.