Бугун Хитойнинг Ченду шаҳрида талаба спорчтилар ўртасида ХХХI ёзги Универсиада ўйинлари якунига етмоқда.
Мусобақанинг сўнгги кунида Ўзбекистон делегацияси яна бир бронза медалига сазовор бўлди.
Ушбу медални саблячи қизларимиз жамоавий дастурда қўлга киритишди. Ярим финалда АҚШ термасига 44:45 ҳисобида мағлуб бўлган юртдошларимиз бронза медали учун кечган баҳсда италиялик рақибаларини 45:42 ҳисобида мағлубиятга учратишди.
Шу тариқа, Ўзбекистон делегацияси ушбу Универсиадани 8 та кумуш ва 6 та бронза медаллари билан якунлади.
Барча олий таълим талабалари ўртасида ўтказилган “Универсиада-2022» спорт мусобақаларининг республика финал босқичида Қорақалпоғистон Республикаси терма жамоаси умум жамоа ҳисобида 3-ўринни эгаллаб “Президент совғаси”ни қўлга киритди.
Мамлакатимиз олий ўқув юртлари талабалари ўртасида ўтказилиб келинаётган Универсиада спорт ўйинлари ёшлар орасида жисмоний тарбия ва спортни оммалаштириш, талабаларнинг спорт турларига бўлган қизиқиши ортишига, қолаверса, истеъдодли талаба-ёшлар сараланиб, уларнинг катта спорт сари дадил қадам ташлашида муҳим восита бўлиб хизмат қилмоқда.
