Кеча, 3 ноябрь куни Тошкент шаҳар, Яккасарой тумани, Бобур кўчасида кабель ўтказиш мақсадида қазилган 2,5 метрли чуқурликка фуқаро ўз эҳтиётсизлиги оқибатида тушиб кетди.
Уни олиб чиқишда амалий ёрдам сўраб, ФВБга соат 19:14 да хабар тушди, дея хабар қилади ФВВ ахборот хизмати.
"Қутқарувчилар зудлик билан айтилган манзилга етиб бориб, махсус қутқарув асбоб-анжомлари ёрдамида фуқарони чуқурликдан чиқариб олган ва тез тиббий ёрдам ходимларига топширилган. Ҳозирда фуқаронинг аҳволи яхши", дейилади хабарда.
Ҳаво ҳароратининг кескин ўзгариши, кунларнинг совиши иссиқлик таъминоти — иситиш жиҳозларига бўлган эҳтиёжни оширади. Зеро, иситиш манбаларидан нотўғри фойдаланиш оқибатида ис гази билан боғлиқ кўнгилсиз ҳодисалар, энг ачинарлиси, фавқулодда вазиятлар юзага келиб, инсонлар қурбон бўлиши мумкин.
Шу йилнинг 19 октябрь куни Фарғона вилояти, Тошлоқ тумани “Найманбўстон” МФЙда яшовчи фуқаронинг бошқарувида бўлган “Damas” русумли транспорт воситаси эҳтиётсизлик оқибатида Фарғона каналига тушиб кетганлиги ҳақида ФВБга хабар тушди.
