Қишнинг биринчи совуғи тушди.
Давлат органлари бунга қуйидагича тайёргарлик кўришди: 100 та подстанция, 11,5 мингта трансформатор ва 34 минг километр тармоқлар янгиланди, 5 миллиард куб метр кафолатли газ манбалари ҳал қилинди.
Айни пайтда энергетика соҳаси 24 соатлик иш режимига ўтказилган. Юзага келган техник муаммоларни зудлик билан ечиш учун қарийб 7 минг 200 нафар ходимни ўзида жамлаган 1 минг 691 та бригада туну кун ҳар қандай вазиятга шай.
Аммо ҳар биримиз электр ва газни тежаб-тергаб ишлатмасак, муаммолар, авариялар бўлаверади. Газ-свет ўчаверади.
Барча юртдошларимиздан илтимос: белгиланган нормадан ошиқ энергия ишлатманг!
Қўни-қўшни, маҳалла-кўй, ҳамқишлоқ ва ҳамшаҳарларингиз ҳақида унутманг!