Бу ҳақда "UZINFOCOM" хабар берди.
Ўзбекистонда ўтадиган Футзал бўйича ФИФА Жаҳон чемпионатига муносиб тайёргарлик кўриш ва юқори савияда ўтказиш мақсадида Рақамли технологиялар вазирлиги, УЗИНФОCОМ ва Ўзбекистон футбол ассоциацияси билан биргаликда ўйин чипталарини сотиш платформаси ва чипталарни текшириш тизими ишлаб чиқилди.
Futsal2024.uz платформаси интернет орқали чипталарни қулай ва осон харид қилиш имкониятини беради, қулай интерфейс билан таъминланган, ўйинларни ва ареналардаги жойларни осон танлаш, турли тўлов тизимлари орқали тўловни амалга ошириш имконини яратади.
Жаҳон чемпионати Марказий Осиё минтақасида илк бор Ўзбекистонда жорий йилнинг 14-сентябрь — 6-октябрь кунлари бўлиб ўтади, — дейилади хабарда.
