Профессионал боксда “Cocky Buffalo” компанияси шарафини ҳимоя қилаётган ҳамюртларимиз – Абдулазиз Нажмиддинов, Олимжон Назаров ва Абдурасул Исмоиловларнинг жанг саналари маълум бўлди.
Ўта енгил вазн тоифадаги (50,8 кг) боксчимиз, “Кичик Тайсон” номи билан машҳур Олимжон Назаров 10 декабрь куни Вьетнамда WBО Oriental камарини ҳимоя қилади. Унинг рақиби таиландлик Жакравут Маджунгоен.
Супер ярим енгил вазн тоифасидаги (58,9 кг) боксчимиз Абдулазиз Нажмиддинов ва енгил вазндаги (61,2 кг) боксчимиз Абдурасул Исмоилов ҳам навбатдаги жангларини 1 январь куни Вьетнамда ўтказади. Ҳозирча уларга ким рақиблик қилиши маълум эмас.
