Аниқланишича, 15 июнда соат 18:20 ларда, Жиззах вилояти, Жиззах шаҳар ҳудудидан ўтган 4R-36 автомобиль йўлининг 40-километрида 26 яшар ҳайдовчи бошқарувидаги «Нексия» русумли енгил автомобиль ҳамда 47 яшар ҳайдовчи бошқарувида бўлган «SHACMAN» русумли юк автомобили иштирокида тўқнашув содир бўлган.

Натижада, «Нексия» русумли автомобиль ҳайдовчиси ва ушбу автомобилнинг 34 яшар йўловчиси турли тан жароҳатлари билан воқеа жойида вафот этишган. Шунингдек, ушбу автомобиль йўловчилари, 11 яшар ва 27 яшар йўловчилар тан жароҳатлари билан шифохонага ётқизилган.

Мазкур ЙТҲ юзасидан Жиззах шаҳар ИИО ФМБ ҳузуридаги ТБ томонидан дастлабки терговга қадар текширув ҳаракатлари олиб борилмоқда, деб хабар беради Ўзбекистон Республикаси Ички ишлар вазирлиги Йўл ҳаракати хавфсизлиги Бош бошқармаси матбуот хизмати.

Шунингдек, хабар орқали барча ҳайдовчилардан белгиланган қоидаларга риоя қилишлари сўралади.