Шу йилнинг 5 ноябрь куни халқ депутатлари Хоразм вилояти Кенгашининг еттинчи чақириқ биринчи сессияси бўлиб ўтди.
Сессияда 14-Ғозовот сайлов округидан сайланган депутат Раджабов Алтибай Бегжанович халқ депутатлари Хоразм вилояти Кенгаши раиси этиб сайланди.
Шунингдек, сессияда халқ депутатлари Хоразм вилояти Кенгашига сайланган депутатларнинг партия гуруҳлари рўйхатдан ўтказилиб, вилоят Кенгашининг Регламенти ва доимий комиссиялар тўғрисидаги Низом тасдиқланди.
Сессияда Рахимов Жўрабек Рахимович Хоразм вилояти ҳокими лавозимига бир овоздан тасдиқланди.
Коррупцияга қарши курашиш агентлиги томонидан жорий йилнинг сентябрь октябрь ойларида давлат буюртмачилари томонидан қарийб 8,1 млрд сўмлик 24 та давлат харидида соҳага оид қонунчиликка зид ҳолатлар аниқланди.
Корея экологик корпорацияси (K-eco) ижрочи директори Кванг Мёнг Ча бошчилигидаги корпорация вакиллари билан учрашув бўлиб ўтди. Учрашувда Экология вазири ўринбосари Искандар Қутбиддинов, вазирликнинг бошқарма ва тизим ташкилотлари раҳбарлари иштирок этди.
Сирдарё вилояти “Малик” чегара ўтказиш пунктидан ўтаётган фуқаро текширилганда унинг ички кийимлари ва оёқлари орасига яширилган 9 турдаги 468 дона қимматбаҳо металлдан ясалган ва бриллиант тошлар билан безатилган заргарлик буюмлари борлиги аниқланди.
