Иқтисодий тадқиқотлар ва ислоҳотлар маркази Ўзбекистондаги энг фаол банклар рейтингини янгилади. Энг катта ўсишни "Миллий Банк" ва "Инфинбанк" кўрсатиб, улар мос равишда 4 ва 3 поғонага кўтарилди. Шу билан бирга, “Ипотекабанк” кучли учликдан тушиб кетди ва “Ўзсаноатқурилишбанк” умумий рейтингда энг катта пасайишни кўрсатди.

Марказ Ўзбекистоннинг 31 та тижорат банки учун "Банк фаоллик индекси"ни ишлаб чиққан. Мазкур индексга асосан, ҳар чоракда банклар рейтинги янгилаб борилади.

Тадқиқот хусусий секторнинг банк активларидаги улушининг ўзгаришини мониторинг, шунингдек, мамлакат банк секторидаги ислоҳотлар ва трансформация жараёнларининг самарадорлигини баҳолаш мақсадида ўтказилади.

Марказ тадқиқотида банклар икки гуруҳга бўлинган — катта ва кичик. Рейтинг ушбу гуруҳларнинг ҳар бири учун алоҳида-алоҳида тузилган. Шу билан бирга, кичик банклар гуруҳига фақат Тошкент шаҳрида (ёки фақат битта вилоятда) фаолият юритувчи банклар киради.

2022 йилнинг 2-чораги учун йирик банклар фаолик рейтинги 17 та йирик банклар учун тузилган биринчи учлик қуйидагича жойлашган бўлиб, “Капитал банк” умумий рейтингда юқори ўринни эгаллашда давом этмоқда, молиявий воситачилик ва оммабоплиги бўйича ўтган чоракка нисбатан кўрсаткичларини яхшилади, бу банкнинг аҳоли ва тадбиркорлик вакиллари билан фаол иш олиб бораётганини кўрсатади.

“Траст банк” рейтингнинг иккинчи поғонасини эгаллаб, ўзининг етакчи ўрнини сақлаб қолди ва “Ҳамкор банк” 1 поғонага кўтарилиб, кучли учликни ёпди.

“Ипотека банк” давлат улуши мавжуд энг йирик банклардан бири бўлиб, у илгари динамик ўсишни (6 пунктга) кўрсатган, умумий рейтингда 3-ўриндан 5-ўринга кўтарилди. Банкнинг молиявий воситачилик бўйича рейтинги муддатли депозитларнинг кредитларига нисбатини янада ошириш, бошқа банклар ва молия институтларидан олинган маблағлар ҳамда Молия вазирлиги олдидаги мажбуриятлари бўйича кўрсаткичларини яхшилаш лозимлигини кўрсатмоқда.

"Миллий банк" умумий рейтингда 4 поғонага (12 ўрин) юқорилади. Банкнинг бошқарув самарадорлиги ва ликвидлилик бўйича ижобий натижалар қайд кузатилди.

“Микрокредитбанк” умумий рейтингда 2 поғонага кўтарилиб, 10-ўринни эгаллади. Бунга банкнинг молиявий воситачилик (10-ўрин) ва активлар сифати (11-ўрин) кўрсаткичлари бўйича сезиларли ижобий ўзгаришлар сабаб бўлди.

“Ўзсаноатқурилишбанк” умумий рейтингда 4 поғона йўқотиб, 10-ўриндан 14-ўринга тушиб кетди. Бунга сабаб банкнинг активлари сифати, бошқарув самарадорлиги ва ликвидлилик кўрсаткичларидаги ўзгаришлар сабаб бўлган. Хусусан, муаммоли кредитлар ҳажми ошди ва юқори ликвидли активлари жами активларига нисбати камайди.

2022 йилнинг 2-чораги учун кичик банклар фаолик рейтинги Ўзбекистондаги 14 та кичик банклар орасида “Универсалбанк” иккинчи чоракда энг фаол бўлди ва бу ўз мавқеини бирданига 3 баллга яхшилади. Шу билан бирга, “Давр банк” ўзининг етакчи позицияларини сақлаб қолган ҳолда кичик банклар категориясида рейтингнинг етакчиси бўлиб қолмоқда.

“Тибиси банк” умумий рейтингда уч поғона йўқотди ва рейтингнинг олтинчи поғонасидан тўққизинчи поғонасига тушиб кетди.