Президент Шавкат Мирзиёевнинг "Оташин шоир, таржимон ва драматург Усмон Носир таваллудининг 110 йиллигини кенг нишонлаш тўғрисида"га қарорида Маданият вазирлиги, Бадиий академия, Ёзувчилар уюшмаси ва "Шаҳидлар хотираси" жамғармасига Россия Федерацияси Кемерово вилоятининг Мариинск шаҳрида Усмон Носир хотирасига бағишланган ёдгорлик ўрнатиш ва унинг тантанали очилиш маросимини ўтказиш вазифаси белгиланган эди.
Жорий йил 4 сентябрь куни Россия Федерацияси Кемерово вилоятининг Мариинск шаҳрида ўзбек халқининг оташин шоири Усмон Носир ҳайкали очилди.
Маросимда Ўзбекистон Республикасининг Россия Федерациясидаги фавқулодда ва мухбор элчиси Ботиржон Асадов, Россия ташқи ишлар вазирлиги Новосибирскдаги шаҳри вакили Николай Афанасьев, Ўзбекистон Ёзувчилар уюшмаси раиси, Ўзбекистон халқ шоири Сирожиддин Саййид, Ўзбекистон Бадиий академияси раиси ўринбосари Фарҳод Тошмухамедов ва бошқа ижодкорлар сўзга чиқди.
Ҳайкал муаллифи- Константин Зенич.
Ўзбекистон Бадиий академияси
