Учрашув мавзуси — икки мамлакат ўртасидаги шериклик муносабатларини ффаоллаштириш ва чуқурлаштириш ҳамда қишлоқ хўжалиги соҳасида амалий ҳамкорликни кенгайтиришдан иборат.

Кун тартибига қўйилган масалалардан олий даражадаги келишувлар, қўшма чорвачиликни йўлга қўйиш, Ўзбекистонда гўштни қайта ишлаш корхоналарини яратиш ва бошқалар муҳокама этилди.

«Биз савдо алоқаларини мустаҳкамлашга алоҳида аҳамият берамиз. Жорий йил январь-сентябрь ойларида қишлоқ хўжалиги ва озиқ-овқат маҳсулотларини ўзаро етказиб бериш 2,5 баробардан зиёд ошиб, қарийб 3 милион долларга етди. Биз Мўғулистондан гўшт импорти ҳажмини оширишдан манфаатдормиз ва Ўзбекистон мева-сабзавотлари, хусусан, узум, қовун, карам, ўрик, шунингдек, қандолатчилик ва нон маҳсулотлари, винолар каби озиқ-овқат маҳсулотларини етказиб бериш ҳажмини кўпайтиришни таклиф этамиз», – деди Азиз Воитов.

Шунингдек, вазирлар Мўғулистонда наслли чорвачилик бўйича қўшма фермер хўжаликлари ташкил этиш ва кейинчалик гўштни Ўзбекистонга экспорт қилиш ҳамда республикада қўшма қайта ишлаш корхоналарини ташкил этиш масалаларини муҳокама этди, деб хабар беради Қишлоқ хўжалиги вазирлиги матбуот хизмати.