Учрашувда томонлар Ўзбекистон ва Қатар ўртасидаги дўстона муносабатлар ва шериклик алоқалари жадал ривожланиб бораётганини, хусусан, мунтазам сиёсий маслаҳатлашувлар йўлга қўйилганини эътироф этди. Дипломатик алоқалар янги босқичга кўтарилиб, мамлакатимизда Қатар элчихонаси – Дохада эса Ўзбекистоннинг дипломатик ваколатхонаси очилгани икки томонлама муносабатлар тарихида янги саҳифа очиб берди.
Мулоқот давомида икки давлатнинг парламентлараро муносабатларига эътибор қаратилиб, парламентлараро гуруҳлар ва тегишли қўмиталар ўртасидаги мулоқотни фаол давом эттириш каби масалалар атрофлича муҳокама этилди.
Бундан ташқари, икки давлат парламентлари вакиллари халқаро ташкилотлар доирасида ҳамда икки томонлама муносабатларнинг бошқа йўналишларида янада фаол ҳамкорлик алоқаларини олиб боришга, ўзаро тажриба алмашишга келишиб олинди, деб хабар беради Оий Мажлис Сенати матбуот хизмати.
