Жараёнда туркиялик тадбиркорлар гуруҳи вилоят ҳокими ва соҳа мутахассисларига Навоий шаҳрида «Янги Ўзбекистон» боғини ташкил қилиш юзасидан ўз лойиҳаларини тақдим этишди.

«Outdoor factory Toshkent» қурилиш фирмаси директори Хикмет Айвазоглу томонидан қурилиши режалаштирилаётган 50 гектар майдондаги боғда болалар учун кўнгилочар жойлар, автотураргоҳ, сунъий кўл бўлиши ва бошқа замонавий қулайликлар яратилиши бўйича фикр алмашилди.

Шунингдек, турк тадбиркорлари билан мулоқотлар давомида яшил боғ ташкил этиш, ободонлаштириш ҳамда кўкаламзорлаштириш бўйича бир қатор таклифлар муҳокама этилди.