Бугун Ўзбекистон Республикаси Олий Мажлиси ҳузуридаги ННТ ва фуқаролик жамиятининг бошқа институтларини қўллаб-қувватлаш Фонди томонидан қўллаб-қувватланган “Нотариуслардан ҳуқуқий билимлар” грант лойиҳаси доирасида икки кунлик 25-26 октябрь кунлари бўлиб ўтадиган “Нотариуслардан ҳуқуқий билимлар” акциясига старт берилди. Ушбу акция доирасида тадбирлар республикамизнинг барча ҳудудларида ўтказилмоқда.
Акция доирасида Тошкент шаҳри, Юнусобод туманидаги 151 -умумтаълим мактаби фаоллар залида Ўзбекистон Нотариал палатаси ҳамда “Мадад”НТТ ҳамкорлигида маҳаллалар раислари (оқсоқоллари) учун ўқув-семинар ўтказилмоқда.
Нотариуслар томонидан маҳалла раислари( оқсоқоллари) маҳаллалар фуқаролар йиғинларининг раислари (оқсоқоллари) томонидан ишончномаларни тасдиқлаш тартиби тўғрисида тушунтириш берилиб, фикр-мулоҳазалар алмашилди.
Акция доирасида Тошкент шаҳар Юнусобод туманидаги 151-умумтаълим мактабида бўлиб ўтаётган тадбирда Ўзбекистон Нотариал палатаси грант лойиҳаси доирасида ишлаб чиққан услубий қўлланмалар тарқатилди.
Шундай тадбирлар республикамизнинг барча ҳудудларида бўлиб ўтмоқда.
