Бу ҳақда Давлат солиқ хизмати хабар берди.
Фармонга кўра, 2024 йил 1-сентябрдан ёввойи ҳайвонларни кўпайтириш жойларини, кичик сафари парклар, ов туризмини ташкил қилган овчилик хўжаликлари 3 йил давомида юридик шахслар
— мол-мулк ва ер солиқларини белгиланган ставкага нисбатан 50 %га камайтирилган ставкада,
— АОСни 1 % ставкада тўлайди.
Овланган ўлжалардан ҳамда табиат инъом этган маҳсулотлардан ҳунармандчилик маҳсулотлари ишлаб чиқарувчи ҳунармандлар "Туризм соҳасида фаолият юритаётган ҳунармандлар реестри"га киритилади.
Шунингдек, улар 2025 йил 1 январга қадар календарь йил давомида ҳунармандчилик маҳсулотларини (ишлар, хизматлар) реализация қилишдан тушган тушумнинг 100 млн сўмдан ошган, бироқ 1 млрд сўмдан кўп бўлмаган миқдори бўйича АОС ставкасини 50 фоизини тўлайди.
