Ижтимоий тармоқларда фойдаланувчиларга тўланган солиқ ва жарималарнинг 80 фоизини "Солиқ иловаси орқали қайтариш мумкинлиги ҳақида давлат солиқ хизмати белгиси остида хабарлар тарқалмоқда.
Солиқ қўмитаси ушбу хабарларга расмий муносабат билдирди.
Қайд этилишича, харид учун кешбек, солиқ ҳуқуқбузарликлари ҳақида хабар берганлик учун мукофот, солиқлар бўйича ортиқча тўловларни қайтариш ва бошқа солиқ хизматлари, Солиқ мобил иловаси орқали Face IDдан ўтиб амалга оширилади.
Иловани эса фақат "Play Market", "App Store" платформалардан юклаб олиш ва янгилаб бориш мумкин.
Фуқароларни эҳтиёткор бўлиш ва фирибгарларга алданиб қолмасликлари учун огоҳликка чақирамиз, — дейилади хабарда.
Ижтимоий кешбек олиш учун “Ижтимоий ҳимоя ягона реестри”га киритилган жисмоний шахслар чакана савдо объектларидан айрим товарларни сотиб олганда харид суммасидан 1 фоиз миқдордаги кешбек ўрнига, 12фоиз ҚҚС суммасини қайтариб олишлари мумкин.
Давлат солиқ қўмитасининг 2024 йил 26 июндаги «Юридик шахсларни солиқ тўловчилар тоифасига киритишнинг мезонларини белгилаш тўғрисидаги низомга ўзгартириш ва қўшимчалар киритиш ҳақида»ги (АВда 2024 йил 1 июлда 3172-3-сон билан рўйхатга олинган) 2024-08-сон қарори қабул қилинди.
