Бу ҳужжат нафақат икки томонлама ҳамкорликни, балки Марказий Осиёдаги экологик барқарорлик ва трансчегаравий сув ресурслари бўйича келажакдаги ўзаро масъулиятли ёндашувларни белгилаб беради.
Айтиш мумкинки, мазкур ташриф Афғонистон Ислом Амирлиги билан яхши қўшничилик, иқтисодий интеграция йўналишидаги янги даврни бошлаб берди. Айни вақтда, бу Ўзбекистоннинг минтақавий тинчлик, барқарор тараққиёт ва экологик хавфсизлик йўлидаги қатъий сиёсатини амалда намоён этувчи навбатдаги муҳим қадамидир.
Қолаверса, муҳокама қилинган ҳар бир йўналиш – қишлоқ хўжалиги, экспорт-импорт, карантин чораларидан тортиб икки давлат манфаатларига хизмат қилиш билан бирга, бутун Марказий Осиё минтақасининг иқтисодий барқарорлиги ва экологик хавфсизлигига ижобий таъсир кўрсатиши кутилмоқда.
