Ўзбекистон Республикаси Президенти Шавкат Мирзиёев Қозоғистон Республикаси Президенти Қасим-Жомарт Тоқаевнинг таклифига биноан 17 сентябрь куни тонгда иккинчи "Марказий Осиё - Германия" саммитида иштирок этиш учун Остона шаҳрига жўнаб кетди.
Тадбирда кўп қиррали ҳамкорликни янада кенгайтиришнинг долзарб масалалари муҳокама қилинади, минтақавий ҳамкорлик истиқболлари юзасидан фикр алмашилади.
Шунингдек, етакчилар Германиянинг йирик компания ва банклари раҳбарлари билан учрашув ўтказадилар.
Давлатимиз раҳбари Қатар Амирини миллий байрам - Давлатга асос солинган кун билан самимий қутлаб, унга сиҳат-саломатлик, бахт-саодат ва муваффақиятлар, дўст Қатар халқига эса тинчлик-осойишталик ва равнақ тилади.
