Франция пойтахти Париж шаҳрида ўтказиладиган ёзги Олимпия ва Паралимпия ўйинларида спортчиларга топшириладиган медалларнинг тақдимоти бўлиб ўтди.

Тақдимотда Олимпия ва Паралимпия ўйинлари давомида спортчиларга топшириладиган 5084 та олтин, кумуш ва бронза медаллари дизайни «Чаумет» компанияси томонидан ишлаб чиқилгани таъкидланди.

"Шуни алоҳида таъкидлаш керакки, ушбу медаллар дизайнини яратишда Эйфел минорасининг олти бурчакли кўринишидан фойдаланилган бўлиб, бу тўрт йиллик ўйинларнинг ғолиб ва совриндорлари Франция рамзи билан тақдирланаётганини англатади, дейилади" «Париж-2024» ташкилий қўмитаси хабарида.