Шанхай ортидан Пекин ҳам коронавирус чекловларининг катта қисмини бекор қилди. Бу ҳақда “ТАСС” хабар берди.
Ҳозирда шаҳарнинг катта қисмида эпидемиологик вазият барқарорлашган. Фақатгина Фэнтай ва Чанпин туманларида чекловлар сақланиб қолган.
Коронавирус тарқалиши кучайиши ортидан Пекинда 1 майдан карантин чоралари кучайтирилди. Хусусан, оммавий овқатланиш жойлари ёпилди. Таълим муассасалари онлайн таълимга ўтказилди. Шаҳарнинг кўплаб туманларида хизматчилар масофавий ишлашга ўтганди. Кўнгилочар объектлар фаолияти тўхтатиб қўйилган.
Шанхай июнь охиригача локдаунни бекор қилиши тўғрисида хабар берилганди.