Тиббиёт фанлари номзоди Игорь Балабанов Наманганга мунтазам ташриф буюриб маҳорат дарслари ўтади, кардиохирургия ва кардиология соҳасида ўз марказида қилинаётган юқори технологик амалиётлар билан ўртоқлашиб туради.

- Ўтган йили пандемия туфайли келолмадим, икки йилда шунча ўзгариш, тиббий-технологик қуролланишни кўриб ҳавас қилдим. Бир ҳафта Наманган аҳли хизматидаман. Ҳар куни бемор кўраман, ёш шифокорларга маъруза ўқийман. Ҳозиргача иккита мураккаб юрак жарроҳлик операциясини амалга оширдик, - дейди шифокор.