Жорий йил сентябрь ойида ўтадиган Шанхай Ҳамкорлик Ташкилотининг Самарқанд саммитига тайёргарлик кўришга қаратилган “Самарқанд руҳи” лойиҳаси доирасида қатор тадбирлар ташкил этилади.
Жумладан, 10 августдан 10 сентябрга қадар “Халқаро ҳайкалтарошлар симпозиуми”, 5 августдан 19 августга қадар “Самарқанд ШҲТга аъзо давлатлар рассомлари нигоҳида” номли кўргазма, 15 августдан 29 августга қадар “Самарқанд ШҲТга аъзо давлатларнинг етакчи фотосуратчилари нигоҳида” номли фотокўргазма ўтказилади.
ШҲТ доирасида ўтказилаётган ушбу тадбирларга 8 нафар хорижий ( Россия, Хитой, Эрон, Ҳиндистон, Грузия, Қозоғистон, Тожикистон ва Қирғизистондан) ҳамда 6 нафар маҳаллий ҳайкалтарошлар иштирок этиши кутилмоқда.
“Самарқанд ШҲТга аъзо давлатлар рассомлари нигоҳида” кўргзамасига 32 нафар хорижий, 4 нафар маҳаллий рассом, “Самарқанд ШҲТга аъзо давлатларнинг етакчи фотосуратчилари нигоҳида” номли фотокўргазмага 16 нафар хорижий ҳамда 2 нафар маҳаллий таниқли фотосуратчилар таклиф этилган.
