Қайд этилишича, шу йилнинг 9 май куни соат 20:30да Самарқанд шаҳар “Кафтархона“ маҳалласида яшовчи 2007 й.т. шахс ўзига тегишли бўлган скутерда Самарқанд шаҳар “Чармгари“ маҳалласи ҳудудидан ўтувчи автомобиль йўлида ҳаракатланиб кетаётганида, унга олдиндан таниш бўлмаган Самарқанд тумани “Гулобод“ маҳалласида яшовчи 2005, 2008 ва 2012 й.т. ака-укалар отаси бошқарувидаги “Malibu” русумли автомашинада кетаётган вақтида ўзаро жанжал келиб чиққан.
Мазкур жанжал давомида 3 нафар ака-укалар скутер ҳайдовчисини уриб, тан жароҳати етказган.
Ҳолат юзасидан Самарқанд шаҳар бўйича Ички ишлар органлари фаолиятини мувофиқлаштириш бошқармаси ҳузуридаги Тергов бўлими томонидан Жиноят кодексининг 277-моддаси 2-қисми билан жиноят иши қўзғатилиб, дастлабки тергов ҳаракатлари олиб борилмоқда.
