Таиланд пойтахти ҳафта ўртасидан бери хавфли даражага етган ҳаво сифатини яхшилаш учун чора-тадбирларни амалга оширмоқда, IQAir маълумотларига кўра, ҳаво сифати индекси (AQI) 159 га етди. Шаҳар расмийлари 352 мактабни ёпишга рухсат беришди ва одамларга уйдан ишлашни тавсия қилишди.

AQI кўрсаткичи 100 дан юқори бўлса, соғлиқ учун зарарли деб ҳисобланади, 200 дан юқори бўлса, жуда зарарли деб баҳоланади.

Пойтахт губернатори Чадчарт Ситтипунтнинг таъкидлашича, ҳавонинг ифлосланишининг кўпайиши экинлар ва чиқиндиларни мавсумий ёқиш оқибатидир.

Бангкок IQAirнинг дунёнинг энг ифлос шаҳарлари рейтингида еттинчи ўринни эгаллади, деб хабар беради report.az.