Олий таълим, фан ва инновациялар вазирлиги ахборот хизматининг маълум қилишича, my.gov.uz порталига кириб, "Таълим" бўлимидан "Стипендия ҳақида маълумот" хизматини ва керакли даврни танлаш орқали ушбу давр бўйича ҳисобланган стипендиялар ҳақидаги маълумотга эга бўлиш мумкин.
Шунингдек, ушбу хизматдан талабалар HEMIS ахборот тизими орқали ҳам фойдаланишлари мумкин.
Ушбу хизмат фақат ҳозирда таҳсил олаётган талабалар учун мўлжалланган. Ўқишни тугатган ёки талаба бўлмаган шахслар учун стипендия маълумотлари мавжуд эмас.
Стипендия маълумотлари Иқтисодиёт ва молия вазирлигининг UzASBO тизими орқали олинмоқда.
