Ўзбекистон Республикасининг Қозоғистон Республикасидаги дипломатик ваколатхоналари маълумотларига кўра, ушбу мамлакатнинг барча ҳудудларида ноқулай об-ҳаво кузатилаётгани боис автотрассаларда кучли совуқ туфайли қийин вазиятга тушиб қолаётган фуқаролардан мурожаатлар тез-тез келиб тушмоқда, дейилади мурожаат матнида.
Дипломатик ваколатхоналаримиз Қозоғистон Республикасидаги ватандошларимиз ҳамда ушбу мамлакат тегишли идоралари билан доимий алоқада бўлиб тургани, фуқароларга зарур консуллик, ҳуқуқий ва амалий ёрдам кўрсатилаётгани қайд этилган.
Юқоридагиларни инобатга олган ҳолда, Ўзбекистон фуқароларига об-ҳаво шароити барқарорлашгунга қадар Қозоғистон ҳудуди бўйлаб автотранспорт воситалари ва автобус қатнови орқали ҳаракатланишдан воз кечишлари тавсия қилинмоқда.
Қозоғистонда бўлиб турган Ўзбекистон фуқаролари Остона шаҳридаги мамлакатимиз Элчихонасига (+717 2954252), Олма-ота (+7273902616) ва Актау (+77292777117) шаҳарларидаги Бош консулхоналарига мурожаат қилишлари мумкин.
