“Темирйўлэкспресс“ АЖ матбуот хизматининг хабар беришича, Республикамизда кескин иссиқ об-ҳаво кузатилмоқда, шунга кўра йўловчилар ва поездлар ҳаракат хавфсизлигини таъминлаш мақсадида, поездлар ҳаракат тезлигига чекловлар ўрнатилади.
Шунингдек, тезлигига чекловлар ўрнатилган поездлар ҳаракат жадвалида кўрсатилган вақтдан кечроқ манзилга етиб бориши мумкинлигини маълум қиламиз, — дейилади хабарда.
Эслатиб ўтамиз, “Ўзгидромет“ агентлиги шу йилнинг 2-5 июль кунлари Ўзбекистон ҳудудига жанубдан жуда иссиқ ҳаво оқимлари кириб келиши кутилаётганини маълум қилган эди.
