Талаба-қизларни Ватанга, халқимизга ва миллий армиямизга ҳурмат ва садоқат руҳида тарбиялаш, улар ўртасида соғлом турмуш тарзини тарғиб қилиш мақсадида Самарқанд иқтисодиёт ва сервис институти ҳамда Самарқанд шаҳридаги 75061-сонли ҳарбий қисм ҳамкорлигида "Тўмарис издошлари" кўрик-танлови ўтказилиб келинмоқда.

Бугун институт талабалар турар жойида ушбу танловнинг 2-сони бўлиб ўтди. Унда талаба-қизлардан ташкил топган "Барчинойлар", "Бибихонимлар" ҳамда "Тўмарислар" жамоалари граната улоқтириш, ҳарбий эстафета, team-working, дартс, арқон тортиш ўйинлари ва ўқдонга ўқ жойлаш шартлари орқали беллашишди.

Шунингдек танловда институт ректори Муҳиддин Эгамбердиевич сўзга чиқиб талаба-қизлардаги уддабуронлик, зукколик ҳамда жасурликни алоҳида эътироф этди. Ректор сўзи давомида Тўмарис каби аждодларимизга муносиб издош бўлган хотин-қизлар келажакда мард ва ватанпарвар фарзандлар тарбия қилишини таъкидлаб ўтди.

Кўрик-танлов билан бир қаторда ҳарбий қисм томонидан аскарларнинг ҳарбий чиқишлари ва ҳарбий қурол-яроқлар кўргазмаси ҳам намойиш этилди.