Тошкент шаҳри жамоат транспорти автобусларда нақд пулни қабул қилиш амалиётидан тўлиқ воз кечилгани ҳақида хабар қилинган эди. Эндиликда йўловчилар йўл ҳақини электрон шаклда ёки бир марталик QR-чипталар ёрдамида амалга оширишмоқда.

Транспорт назорати инспекцияси ҳамда Тошкент шаҳар жамоат транспортини мониторинг ва назорат қилиш давлат муассасаси ходимлари томонидан Тошкент шаҳрида автобусларида кучайтирилган рейд тадбирлари ўтказилди.

Рейд тадбир давомида айрим йўловчилар тўловларни ўз вақтида амалга ошираётган бир вақтда айримлар йўл ҳақини ҳеч қандай сабабсиз тўламасдан автобусдан тушиб кетаётгани аниқланган.

Эслатиб ўтамиз, МЖтКнинг 144-моддаси 5-бандига асосан, йўловчининг шаҳар ичида ва шаҳар атрофига қатнайдиган автобусда чиптасиз юриши БҲМнинг ўндан бир қисми миқдорида жарима солишга сабаб бўлади.