Урганч халқаро аэропорти режадан аввалроқ очилади

Бу ҳақда "UZBEKISTAN AIRPORTS" хабар берди.

Қайд этилишича, қурилиш-таъмирлаш ишлари белгиланган муддатдан аввалроқ якунланди. Режага мувофиқ таъмирлаш ишлари аэропортда 7 августга қадар амалга оширилиши лозимлиги ҳақида хабар берилганди.

Шуни алоҳида эътироф этиш керакки, икки ҳафта ичида катта ҳажмдаги ишлар амалга оширилди. Жумладан, узунлиги 3000 м ва эни 45 м бўлган учиш-қўниш йўлаги қопламаси алмаштирилди ва мустаҳкамланди, иккинчи ва учинчи юриш йўлаклари капитал таъмирланди. Бу аэропортга Boeing 787 ва Airbus А330 каби кенг фюзеляжли самолётларни чекловларсиз қабул қилиш ва ўз навбатида Урганч шаҳрига рейслар сони ва йўловчилар оқимини кўпайтириш имконини беради.

Урганч шаҳридаги учиш-қўниш йўлагини капитал реконструкция қилиш ишлари охирги марта 1997 йилда, шикастланган қисмларини қисман таъмирлаш эса 2018 йилда амалга оширилган эди.

Эслатиб ўтамиз, Урганч халқаро аэропорти учиш-қўниш йўлагини капитал таъмирлаш ишлари бошлангани муносабати билан жорий йилнинг 20 июль куни ўз фаолиятини вақтинча тўхтатган эди. Реконструкция даврида барча рейслар Нукус халқаро аэропортига йўналтирилган ва барча йўловчилар Нукус аэропортигача транспорт билан таъминланган.

Тошкент халқаро аэропортида учиб келиш зали кенгайтирилмоқда

Пойтахт аэропортини реконструкция қилиш доирасида қурилиш-монтаж ишларининг навбатдаги босқичи амалга оширилмоқда. Хусусан, учиб келиш залини кенгайтириш ишлари бошланди.

9 ойда ҳаво транспорти орқали қанча йўловчи ташилгани маълум бўлди

Шу йилнинг январь-сентябрь ойларида транспорти орқали ташилган йўловчилар сони ўтган йилнинг мос даврига нисбатан 31,3 % (2023- йил январь-сентябрь ойларида 3,79 млн киши) яъни, 1,19 млн йўловчига ошган.

Тошкентдан Ханчжоуга тўғридан-тўғри авиақатновлар йўлга қўйилади

Шу йилнинг 17 ноябрдан бошлаб, якшанба кунлари жадвал асосида Хитойнинг энг қадимий шаҳарларидан бири бўлган Ханчжоуга мунтазам авиақатновлар йўлга қўйилди.

Ўзбекистон аэропортларида маймунчечак касаллигининг олдини олиш чоралари кўрилмоқда

Ўзбекистон Республикаси бош давлат санитария врачининг тегишли кўрсатмаси асосида мамлакатимиз аэропортларида қатор санитария-тарғибот тадбирларини ўтказиш режалаштирилди.

"Uzbekistan Airways" мустақиллик байрами муносабати билан чегирма эълон қилди

"Uzbekistan Airways" Мустақиллик байрами муносабати билан 31 августдан 3 сентябргача амалга ошириладиган барча маҳаллий авиақатновлар учун авиачипталар тарифларига 30% чегирма эълон қилди.

"UzAirways"га тегишли самолёт дўл сабаб шикастланди

Ҳозирги вақтда ҳаво кемасининг шикастланган қисмини таъмирлаш ишлари олиб борилмоқда. Яқин кунларда ҳаво кемаси мунтазам равишда парвозларни амалга оширишни бошлайди.

Урганч аэропорти модернизация қилинади

“Uzbekistan Airports” АЖ, Транспорт вазирлиги ҳамда Иқтисодиёт ва молия вазирлиги билан биргаликда Урганч модернизация қилиш ва бошқариш бўйича давлат-хусусий шериклик лойиҳасини амалга оширишни режалаштирмоқда.