ХМТ меҳнаткашлар фаолияти бўйича бюроси директори Мария Хелена Андре билан ўтказилган мулоқотда ходимларнинг меҳнат ҳуқуқларини ҳимоя қилиш, уларнинг ижтимоий ҳимоясини кучайтириш масалалари муҳокама этилди.
Шу билан бирга, ХМТ билан ҳамкорликда ўқув дастурларини йўлга қўйиш орқали касаба уюшмалари мутахассисларининг малака ва салоҳиятини ошириш юзасидан фикр алмашилди.
Ўзбекистонда тадбиркорликнинг фаол ривожланиши, хусусий сектор улуши ортиб бориши ва халқаро брендлар томонидан Ўзбекистон бозорига қизиқиш кучайиши муносабати билан хусусий корхоналарда касаба уюшмалари ҳаракатини ривожлантириш масалаларига ҳам эътибор қаратилди, деб хабар беради Олий Мажлис Сенати матбуот хизмати.
