The Economist Intelligence Unit (Британия “The Economist” журналининг аналитик саҳифаси) маълумотига кўра Дания пойтахти “Энг хавфсиз шаҳар” деб топилди. Копенгаген йиллик ҳисоботда 100 баллдан 82,4 балл тўплади.

Дания пойтахти 2019 йилда саккизинчи поғонадан рўйхатнинг биринчи поғонасига кўтарилди. Бу кўп жиҳатдан шаҳарда кўпгина хизматлар билан бир қаторда экологик хавфсизликнинг ҳам йўлга қўйилгани билан боғлиқ. “Копенгагенни шундай хавфсиз шаҳарчага айлантирган муҳим омиллардан бири — жиноятчиликнинг ортда қолгани билан белгиланмоқда”, дейилади хабарда.

Дания пойтахтидан кейин юқори ўринларни Канаданинг Торонто шаҳри ва Сингапур эгаллаган. Aвстралиянинг Сидней, Япониянинг Токио, Нидерландиянинг Aмстердам, Янги Зеландиядаги Веллингтон, Гонконг, Aвстралиянинг Мельбурн ва Швециянинг Стокгольм шаҳри энг хавфсиз шаҳар ўнталигидан жой олган.

Маълумотлар Сиднейда хавфсизлик, Токиода соғлиқни сақлаш, Гонконгда инфратузилма, Копенгагенда шахсий хавфсизлик яхши йўлга қўйилганини кўрсатмоқда. Веллингтон эса экологик жиҳатдан энг яхши шаҳар деб топилди.