Қарор билан Президент ҳузуридаги Хорижий инвесторлар кенгаши Ўзбекистон томонининг янгиланган таркиби тасдиқланди.

Қарорга кўра, Кенгаш котибияти нодавлат нотижорат ташкилот сифатида ташкил этилади ҳамда унинг аъзолигига халқаро молия институтлари ҳам жалб қилинади.

Кенгаш котибияти томонидан хорижий инвесторлар билан тўғридан-тўғри ишлаш орқали мамлакатимизда инвестиция муҳитини яхшилаш бўйича таклифлар ишлаб чиқилади, шунингдек, лойиҳаларни амалга ошириш учун инвестиция маблағларини жалб қилишга кўмаклашилади.

Бундан ташқари, Кенгаш котибияти томонидан Кенгашнинг давлат органлари ва ташкилотлари билан ўзаро фаолиятини мувофиқлаштириш масалалари юзасидан маҳаллий ва хорижий компаниялар вакиллари билан маслаҳатлашувлар ташкил этилади.