Чунон ки маълум аст, солҳои охир Ӯзбекистон бо Созмони байналхалқии меҳнат ҳамкории пурсамар ба роҳ мондааст. Агар бигӯем, ки ба узвияти Шӯрои маъмурии СБМ интихоб шудани кишвари мо боз як эътирофи ҷаҳонии ташаббус ва талошҳои Президент Шавкат Мирзиёев дар ин самт аст, муболиға намекунем.
Дар ҷаласа ба масъалаҳои истифодаи самараноки салоҳият ва ваколатҳои парлумон ҷиҳати такмили низоми меҳнати шоиста таваҷҷуҳ зоҳир гардид.
Мулоқот ҳамчунин ба марҳалаи нави ҳамкорӣ, вазъ ва натиҷаҳои тавофуқоти дар мулоқотҳои қаблӣ ҳосилшуда бахшида шуд.
Аз ҷумла, масъалаҳои татбиқи мунтазами тамоюлҳои меҳнати шоиста, ҳамкорӣ бо СБМ дар доираи Эътилофи ҷаҳонии адолати иҷтимоӣ ва нақшаҳои оянда баррасӣ шуданд.
Таъкид гардид, ки дар Ӯзбекистон барномаи коҳиши камбизоатӣ ва баланд бардоштани некуаҳволии аҳолӣ, ки меъёрҳои тавсиякардаи Созмони ҷаҳонии меҳнатро ба инобат гирифтаанд, амалӣ шудааст.
Дар баробари ин, дар мулоқот аҳамияти ислоҳоти қонунгузорӣ дар такмили низоми меҳнати шоиста мавриди баррасӣ қарор гирифта, доир ба истифодаи самараноки салоҳият ва ваколатҳои парлумон дар ин замина табодули афкор сурат гирифт.
