Исроил Хавфсизлик идораси босиб олинган Ғарбий Соҳилдаги тортиб олинган Фаластин ерларида 22 та янги ноқонуний турар-жой қурилишини маъқуллади.
Маҳаллий матбуотнинг хабар беришича, Мудофаа вазири Исраэль Кац ва ўта ўнгчи молия вазири Бецалель Смотрич Ғарбий Соҳилда босиб олинган Фаластин ерларида 22 та янги ноқонуний аҳоли пунктлари қуришни таклиф қилган.
Ўтган ҳафта Вазирлар Маҳкамаси яширин овоз беришда Ғарбий Соҳилда 22 та янги ёки ноқонуний аҳоли пунктлари қуриш таклифини қабул қилди.
Ғарбий Соҳилдаги Исроил томонидан босиб олинган Фаластин ҳудудларида фаолият юритувчи “Еша Кенгаши” раҳбари Исраэль Кац маҳаллий матбуотга берган интервьюсида Вазирлар Маҳкамаси қарорини 1967 йилда Ғарбий Соҳил ишғол қилинганидан бери қабул қилинган “энг муҳим қарор” эканлигини айтди.
Тел-Авив расмийлари бу борада ҳозирча баёнот бергани йўқ.
Исроил томонидан ишғол қилинган Ғарбий Соҳил ва Шарқий Қуддусда тортиб олинган Фаластин ерларида 250 га яқин ноқонуний аҳоли пунктлари мавжуд.
Фаластин шаҳар ва қишлоқларини бир-биридан ажратиб турган бу ноқонуний аҳоли пунктлари минтақадаги тажовуз ва тарангликни янада кучайтирмоқда.
Фаластин ерларини босиб олган исроилликлар Ғарбий Соҳилдаги Фаластин қишлоқларига тез-тез ҳужум қилиб, уйлар, автомобиллар, қишлоқ хўжалиги ерларига ўт қўймоқда, зайтун дарахтларини кесиб ташламоқда.
Фаластин ерларини эгаллаб олган исроилликларнинг ҳужумлари туфайли Ғарбий Соҳилда фаластинликларнинг ҳаёти тобора қийинлашмоқда, деб хабар беради aa.com.tr.
