“Ўзгидромет“ агентлигининг хабар беришича, 6-7 июнь кунлари республика ҳудудига нисбатан салқин ва нам ҳаво массалари кириб келиши бошланади. 6 июнда Қорақалпоғистон Республикаси, Хоразм, Бухоро, Навоий, Самарқанд, Қашқадарё вилоятларида, 7 июнда Тошкент, Сурхондарё вилоятларида ва Фарғона водийси вилоятларида баъзи жойларда қисқа муддатли ёмғир ёғиши, момақалдироқ бўлиши мумкин.

Ҳаво ҳарорати аста-секин пасайиши кутилмоқда. 6 июнда шимолда, жанубда ва чўл ҳудудларда, 7 июнда марказий ва шарқий вилоятларда ҳарорат 28-33 даражагача, ёмғир пайтида 25-27 даражагача пасаяди. 8 июнда Ўзбекистоннинг барча ҳудуди бўйича ёғингарчилик кутилмайди ва ҳарорат 2-3 даражага кўтарилади.

Республика бўйича баъзи жойларда шамол тезлиги 13-18 м/с гача кучайиши, айрим жойларда чанг-тўзонлар билан кузатилиши кутилмоқда. 5-6 июнда айрим жойларда баъзида 20-22 м/с гача кучайиши мумкин.

Тошкентда: бугун кундузи ҳаво кам булутли бўлади, ёғингарчилик кутилмайди. Ҳарорат 36-38 даража бўлади. 6 июнда ҳаво ўзгариб туради, ёғингарчилик кутилмайди. Шамол 13-18 м/с гача кучайиши мумкин. Ҳарорат 33 даража атрофида бўлади. 7 июнда қисқа муддатли ёмғир ёғиши, момақалдироқ бўлиши мумкин. Ҳарорат 27-29 дарада бўлади. 8 июнда ёғингарчилик кутилмайди. Ҳарорат 33-35 даража бўлади.