Алдын хабар етилгениндей, 2025-жылдың 3-ноябрь күни "UzAuto Motors" АЖ тәрепинен 100 мың " Cobalt " автомобиллери онлайн шәртнама арқалы саўдаға шығарылды. Шәртнама дүзилгеннен соң 7 күн ишинде төленбеген шәртнамалар бийкар етилип, 20 мың 833 автомобилдиң пулы төлеп берилди.
«UzAuto Motors» 2025-жыл 3-ноябрь күни саат 10:00 ден Chevrolet Cobalt автомобиллери ушын онлайн шәртнама дүзиў басланатуғынын мәлим етти.
«UzAuto Motors» АЖ модель қатарын жаңалаў ҳәм ислеп шығарылып атырған өнимлерди модернизациялаў бойынша стратегиялық бағдарламаны әмелге асырыўды даўам еттирмекте. Бул илажлар Өзбекстан Республикасы Президентиниң усы жылдың май айында Хорезм ўәлаятына сапары ўақтында берилген тапсырмалар шеңберинде әмелге асырылмақта. Автомобиллердиң жаңа моделлерин иске қосыў, барларын жаңалаў ҳәм "Хорезм Авто" кәрханасының өндирислик қуўатлылықларын кеңейтиў тийкарғы ўазыйпалар сыпатында белгиленди.
