Орайлық Азия халықлары әзелден ийинлес жасап, қыйыншылықларды биргеликте жеңип өткен. Кейинги жылларда жеделлескен экономикалық-сиясий ҳәм мәдений-гуманитарлық байланыслар туўысқан мәмлекетлерди және де жақынластырмақта.
Күни кеше, мүбәрек Рамазан айы мүнәсибети менен шөлкемлестирилген ифтарлық мәресиминде қатнастық. Мәмлекетимиз аймақлары бойлап жазылған қайырқомлық дастурханы әтирапында жыйналған мыңлаған ўатанласларымыздың қатнасыўындағы үлкен сақаўат, кеңпейиллик, мийрим-шәпәәт сиясатында Президентимиз шығып сөйлеген сөзиниң мазмун-мәниси бәршемизге руўхый күш ҳәм руўхый азық берди.
