Ўзбекистоннинг биринчи хусусий авиакомпанияси бўлмиш "Қанот Шарқ" ўзининг авиапаркини янги самолётлар билан тўлдириш мақсадида Американинг Air Lease Corporation лизинг компанияси билан келишув имзолаган эди.
Туризм ва маданий мерос вазирлиги кўмагида "Қанот Шарқ" маҳаллий авиакомпанияси томонидан лизингга сотиб олинган иккита самолётдан бири — Аirbus А321neo пойтахт аэропортига етиб келди.
Бу модель сиғимли бўлиб, ундан давомли парвозларда фойдаланилади. Янги самолёт Ветнам ва Таиландга илк парвозларини амалга оширади.
Иккинчи Аirbus А321neo самолёти бир ойдан сўнг етиб келади. Унинг сиғими 240 йўловчи ўриндиғига мўлжалланган. Унда беш соатдан саккиз соатгача давом этадиган парвозлар амалга оширилади.
